پاکستان سے اچھے عسکری تعلقات ہیں، امید ہیں یہ جاری رہیں گے، پینٹاگون

جان کربی کا کہنا تھا کہ ہمیں اس بات کا اعتراف ہےکہ  پاکستان اور پاکستانی عوام ملک میں دہشت گرد حملوں سے متاثر ہوئے ہیں اور پاکستان کا خطے میں بنیادی کردار رہا ہے۔

پینٹاگون ترجمان سے جب عمران خان کے پاکستانی حکومت کی تبدیلی میں امریکا کے ملوث ہونے کے الزام اور شہباز شریف کے وزیراعظم بننے پر سوال کیا گیا تو انہوں نے اس کا جواب دینے سے معذرت کرلی۔

جان کربی کا کہنا تھا کہ  میں پاکستان کے اندرونی سیاسی معاملات پرکوئی بات نہیں کروں گا۔

فوجی مداخلت کے سوال کے جواب میں بھی جان کربی نےکہا کہ وہ پاکستان میں اندرونی سیاست پر کوئی بات نہیں کریں گے۔

خیال رہے حالیہ دنوں میں  وائٹ ہاؤس کی ترجمان کی جانب سے کہا جاچکا ہےکہ جمہوری پاکستان امریکی مفادات کے لیے اہم ہے۔

واضح رہےکہ سابق وزیراعظم عمران خان اپنے خلاف تحریک عدم اعتماد لانے اور حکومت کی تبدیلی میں امریکی سازش کو مورد الزام ٹہھرا رہے ہیں تاہم امریکا کی جانب سے متعدد بار اس کی تردید کی جاچکی ہے۔