اگلے تین ماہ میں پاکستان میں الیکشن ہوگا، عمران خان

(تم نیوز،نیوڈیسک ،نیشنل،05اپریل،2022) وزیراعظم عمران خان نے کہا ہے کہ اگلے تین ماہ میں پاکستان میں الیکشن ہوگا۔ تفصیلات کے مطابق وزیراعظم عمران خان نے اپنے ایک بیان میں کہا کہ ضمیر فروش بچوں کا مستقبل تباہ کر رہے ہیں جبکہ ضمیر فروش ملک سے غداری کررہے ہیں،

انہوں نے کہا کہ ضمیر کا سودا کرنے والوں کو صرف تاحیات نااہل نہیں بلکہ جیل میں بھی ڈالا جائے، ان غداروں کیخلاف سپریم کورٹ گئے ہیں ان کا پوری طرح مقابلہ کرینگے۔

وزیراعظم کا کہنا تھا کہ بیرون ملک سے حکومت گرانے کی سازش ہوئی، یہاں ہمارے غدار ان کے ساتھ مل گئے، بیرونی سازش کا حصہ بننے والے سب غدار ہیں، کارکنوں سے کہتا ہوں آپ نے غداروں کے خلاف روز مظاہرہ کرنا ہے۔

عمران خان نے کہا کہ ایف نائن پارک میں کارکن بڑی تعداد میں جمع ہوکر احتجاج کریں، ان غداروں کیخلاف سپریم کورٹ گئے ہیں ان کاڈٹ کرمقابلہ کرینگے۔

انہوں نے یہ بھی کہا کہ بیرونی سازش میں شرکت کرنے والے سب غدار ہیں،10سے 15ارب میں ارکان کو خریدا گیا یہ کون سی جمہوریت ہے، غداری کے خلاف کھڑے نہ ہوئے تو آنے والی نسلیں معاف نہیں کرینگی۔

وزیراعظم کا کہنا تھا کہ اس سازش کو شکست دینا آپ کا فرض ہے، غلامی کرنے والوں کو آزاد قوم کبھی بھی معاف نہیں کرے گی۔

عمران خان نے کہا کہ جن کاپیسہ باہر پڑا ہے وہ غلامی کریں گے ہم نہیں، تم غلام جبکہ ہم آزاد اور خوددار ہیں، سازش کرنےوالوں کوعوام الیکشن میں سبق سکھائے گی۔

وزیراعظم کا کہنا تھا کہ سب کو الیکشن کی تیاری کرنی ہے، اگلے تین ماہ میں پاکستان میں الیکشن ہوگا۔

ان کا یہ بھی کہنا تھا کہ اس بار سوچ سمجھ کر اپنے نظریاتی لوگوں کو ٹکٹ دیں گے جبکہ جنہوں نے مشکل وقت میں ہمارا ساتھ دیا ان سب کو ٹکٹ دیں گے۔

وزیراعظم عمران خان کا مزید کہنا تھا کہ یہ غدار ہیں ہم ان کا مقابلہ کریں گے اور ان کی سیاست آئندہ الیکشن میں ہمیشہ کیلئےختم ہوجائے گی جبکہ یہ صرف الیکشن نہیں ہاریں گے بلکہ ان کی سیاسی قبریں بنیں گی۔

Introduction:

Tum News represnts Pakistan…. everywhere globe of the World.It’s international channel… based on London … landing rights 19 countries in the world including Middle East, Europe, UK, USA, Canada, Malaysia and Pakistan.

Sattilite in Pakistan: AsiaSat 7 Also IpTv, Apple Tv, Andiord Tv, Amazon Tv, Roku, Jadoo TV, Jadoo box, Jadoo 5s, Google TV, ebaba…. etc

Tum news|Ruku Channel Store

https://channelstore.roku.com/en-ca/details/31c9eadf684f1f9b3dc900e40c67ea74/tum-news

APP

IOS: https://apps.apple.com/ca/app/tum-news/id1591814293

Android: https://play.google.com/store/apps/details?id=com.live247stream.popularnewstv

Social media

Youtube

Tum News Live: https://www.youtube.com/channel/UCT3sBnwEB-X3r_tqb-u4fQg

Tum News: https://www.youtube.com/channel/UC3AzH8rdkiO_59RNU2jRlQg

Facebook:

: https://www.facebook.com/Tum-News-Live-101181202396831/