بلوچستان حکومت ناراض ارکان اسمبلی کو منانے میں کامیاب ، اپوزیشن کا مطالبہ منظور کر لیا۔ سترہ ایم پی ایز کے خلاف ایف آئی آر واپس لینے پر دھرنا ختم کر دیا گیا۔
تم نیوز۔04جولائی2021ء) بلوچستان حکومت کا معاملات سلجھانے کا مشن، حکومتی وفد اور اپوزیشن قیادت کے درمیان مذاکرات کامیاب ہوگئے۔ وزیرداخلہ بلوچستان ضیا لانگو کی سربراہی میں حکومتی وفد بجلی روڈ تھانے پہنچے جہاں انہوں نےاپوزیشن کے17ایم پی ایز کےخلاف ایف آئی آرواپس لی، اس موقع پر میڈیا سے گفتگو کرتے ہوئے صوبائی وزیر داخلہ ضیا لانگو کا کہنا تھا کہ اسمبلی میں پیش آنے والے واقعہ کی تحقیقات کی جائے گی ۔میڈیا سے گفتگو کرتے ہوئے قائد حزب اختلاف ملک سکندر ایڈووکیٹ نے کہا نوٹیفکیشن موصول ہو گیا، مطالبہ پورا ہونے پر دھرنا ختم کرنے کا اعلان کرتے ہیں۔
